12 نوفمبر 2009

إني خيرتك

اللي فكر بهذي الفكرة في الفيديو أدناه إنسان مو طبيعي ومبدع... استطاع أن يسحب الناس إلى استخدام السلم العادي بدل السلم الكهربائي.

أتوقع لو بالكويت، علشان يشجعون الناس على استخدام السلم العادي فأكيد ثم أكيد يصدرون قرار من مجلس الوزراء بمنع استخدام السلم الكهربائي، أو صرف بدلات إضافية لكل من يستخدم السلم العادي أو إغراق أجهزة الإعلام بالحملات الاعلانية المتضمنة فضائل استخدام السلم العادي على طريقة مشروع نفائس، أو تعزيز الوطينة باستخدام السلم العادي ببث مزيد من الأغاني الوطنية اللي ما لها شغل بالوطنية، أو على طريقة الحملات البيئية سماري أو على الطريقة اليديدة اللي هابين فيها هالأيام عبر المدونات مثل حملة إرحل... إي يرحل وين يروح؟! والأهم منو البديل أو بمعنى أدق شنو البديل؟!

إذا البديل شخص مكان شخص، فلا طبنا ولا غدا الشر... لأن المشكلة مو بالأشخاص، الأزمة بالنفوس والعقول... هي أزمة فكر ثم فكر ثم فكر.....

مالي خلق طوالة... شوفوا الفيديو وحكموا بنفسكم...

video

شي حلو إني ألاقي جدام خيارات متعددة أقدر أختار فيما بينها... يا أصعد السلم العادي أو السلم الكهربائي أو إذا أحب الراحة الزايدة استخدم المصعد

كتبتها مصعد لأن ما ادري شلون تنكتب بالكويتي... اصنصير ولا اسنسير ولا اسنصير ولا اسنصور ولا اسنسور؟؟؟

هههههه اسنسور يكون مقطوع سري في مونبلييه

وأخيرا : ما اعتقد مثل هالأفكار ممكن تطبق عندنا... لأن في ناس راح تقول الموسيقى من شر الأمور وشر الأمور محدثاتها وكل محدثة بدعة وكل بدعة ضلالة وكل ضلالة في النار

هناك 4 تعليقات:

مـغـاتيــــــــــــر يقول...

الفكرة إبداااع ...

نحتاج لنفس الفكرة في بعض الأماكن علشان "تروووق" نفسياتنا ..

مثلا
هرنات السيارات ، حلوة وقت الظهر بالزحمة .. اللـــه :-)
كراسي النواب ؟ يا سلااام ، راح يصيرون وديعين و ما راح تسمع صراخ .. اسرح بالفكرة شوي p;

متى نصنف الموسيقى على أنها "نعمة" من عند اللــه بدل هذا العداء المريب ;-)

ma6goog يقول...

الفكرة مزعجة

خل يستخدمون الكهربائي , شلي مضايق صاحبك؟

sologa-bologa يقول...

مغاتير

هرنات السيارات على موسيقى والله فكرة :) علشان باجر نترحم على الهرنات العادية
من الحين هرن سيارتي مطلع سيمفونية بتهوفن الخامسة

أما النواب كافي أصواتهم الموسيقية


-----------------



ma6goog

يا خوي اللي مضايق صاحبي إن الأصنصيرات ما تشيل أكثر من 1200 كيلوغرام أو 13 نفر كحد أقصى و13 رقم التشاؤم علشان جذي لازم نشجع السلالم العادية من أجل توفير الطاقة الكهربائية!!





ودمتما بحب وود

ابو عبدالملك يقول...

في شي يمنعك ان تعاشر امك؟؟
اتمنى الرد