13 يوليو 2006

من أراد أن يفهم الأوضاع السياسية في الكويت فليتبع الخطوات التالية
أولا
ترديد هذه المقولة خمس مرات وبسرعة كل ست ساعات
أشرقت الشمس المتغطلمطلسة على عباد الله المتغطلمطلسين فتغطلمطلسو فيها
ثاينا
ترديد هذه المقولة خمس مرات بعد كل وجبة
خميس كمش خشم حبش وحبش كمش خشم خميس وحبش وخميس تكامشو بالخشوم
ثالثا
ترديد هذه المقولة قبل النوم خمس مرات
أرنب نطت من منومها راحت منوم غير منومها
ونتمنى لكم فهما سريعا للاوضاع في الكويت
وسامحوني

هناك 13 تعليقًا:

9ahba'a يقول...

hehehhehehe that was a great explaination...

sologa-bologa يقول...

اعتقد ان هذا هو الوضع الحقيقي والفعلي في توصيف الحالة السياسية في الكويت

بس يا خوفي ان لازم نردد مقولات ثانية علشان نفهم الوضع

والله يستر

R7eeq يقول...

خوش مضاد حيوي حق الغثه :)

tweety يقول...

انا خل اعرف اقراهم عشان اقولهم !!

BuJwais يقول...

لووول

الوحيدة إلي قريتها عدل و بسرعة هي مالت الأرنبة

بعدين إشصار على الفيل؟ إلى الحين يكسّر في البيت؟

sologa-bologa يقول...

رحيق
على الاقل يساعد على النوم


تويتي
اللي يقرا الوضع بالكويت السياسي والاجتماعي والثقافي
انا متاكد انه راح يقدر يقرا هالمقولات


بوجويس
هذي اسهل وحدة
بس بالذمة لما قريتها ما حسيت براحة نفسية:)

اما قصة الفيل طويلة ما راح تخلص
كل يوم يطلع لنا فيل يديد
لان صاحب الفيل مو قادر يشيله

ودمتم

bo9ali7 يقول...

LOL
بالعكس الوضع واضح وضوح الشمس في كبد السماء..الوضع فوضى..فوضى..صعبة هذي بعد؟؟؟؟؟؟؟
مسموح
:)

tweety يقول...

سلوقا بلوقا
قلت أنا اروح اشكيله
أقوله فيلكم شيله

sologa-bologa يقول...

بوصالح
صحيح الوضع واضح مثل الشمس .. لكن السما فيها غيمة سودة
واذا ياتكم الغيمة السودة شتقولووووون

ومسموح ياللي تعذرت


تويتي
ياني اليوم يتعذر
يقولي أخوي سامحني
ترا أنا الفيل يغلبني
وما أقدر أنا اشيله
شيله .. شيله
ما اقدر انا اشيله

على فكرة هذا نشيد الصباح والمساء والسهرة بالنسبة لي

ودمتم

Chai-7aleeb يقول...

شدعوا كل هالتشاؤم؟

sologa-bologa يقول...

شاي حليب
عمر التشاؤم او التفاؤل ما نبع من شعور بدون وجود معطيات
انا مو متشائم لمجرد التشاؤم ولو اني امني نفسي بشوية تفاؤل
ونفس الوقت ما اكون متفائل وفي بعض الامور تدعو الى التشاؤم

انا ابني تفاؤلي وتشاؤمي على معطيات
وهذا موضوع يطول شرحه وسوف اكتب عنه في المستقبل علشان اوضح لك
ليش احيانا اكون متشائم وليش اكون متفائل

ودمت سالما متفائلا

il`samra يقول...

الوضع في تردي والفيل ماشي حد الدوسة.. الله كريم

sologa-bologa يقول...

السمرا

الفيل اذا كان ماشي حد الدوسة فلابد تواجهة مطبة ويخفف سرعته
وان شاء الله تواجهه نقطة تفتيش ويخالفونه على سرعته