11 أغسطس 2006

هذي الكويت صل على النبي
حين عبرت بوابة الطائرة متوجها الى ردهة المطار
كانت رائحة الغبار اول من استقبلني
ولكن حين خرجت من بوابة المطار اكتشفت عدم وجود ذرة غبار واحدة في الهواء
لقد كان الجو رطبا بل مشبعا بالرطوبة
لكن الكويت تبقى الكويت
صيفها وشتاها.. حرها وبردها.. غبارها ورطوبتها.. تبقى الكويت واهل الكويت الاحباء
وكما قال المرحوم الشاعر عبدالله العتيبي
كانت بلدنا صغيرة.. لكن كبيرة بأهلها
كانت بلدنا فقيرة .. لكن غنية بأهلها
أهلها عيال بطنها.. أهل الخصال الأصيلة
اللي شربوا من لبنها .. كل المعاني الجميلة
وكما قال وقال وقال
كان أصل الكويت دعوة حب.. أينعت حولها قلوب ندية
كان حكامها بنيها فأضحى.. شعبها حاكما وكان الرعية
وهذي الكويت صل على النبي

هناك 18 تعليقًا:

bo9ali7 يقول...

حمدلله على السلامة
هناك طبقةٌ ما تغطي وجه الكويت..مَثل الكويت كمثل الفتاة الجميلة التي اخفت مفاتن وجهها بالمكياج

Kasik Ya Watan يقول...

الحمدلله عى السلامة

أنا دائماً يجيني
Cultural Shock
كلما أرجع للكويت من أي سفرة أكثر من أسبوع

بس من أسمع أغاني الزمن الجميل الوطنية إلي غنوها شادي الخليج وسناء الخراز من خلق المبدعان غنام الديكان وعبدالله العتيبي الله يرحمه أرجع أتأقلم وأقول ... الكويت حلوة حتى بغبار ورطوبة عقول "أغلب" ناسها قبل جوها

غير معرف يقول...

بلدنا الصغيرة كانت غربة بدونك صديقي.. الحمد لله على السلامة

sologa-bologa يقول...

بوصالح
الله يسلمك
مع المكياج تصير اكثر جمالا.. الكويت بمكياج او بدون مكياج تبقى حلوة
باهلها

كاسك يا وطن
الله يسلمك عزيزي
على الاقل صدمة ثقافية مؤقتة اهون بوايد من صدمة انكسارية
الله يبعدنا عنها
لكن في كل الحالات تبقى الكويت حلوة حتى مع غبار ورطوبة عقول "بعض" ناسها
لاني احب اكون متفائل او على الاقل ادعي بعضا من التفاؤل

السمرا
الله يسلمج
دائما اردد
الوطن بلا احباب غربة
والغربة بوجود الاحباب وطن مؤقت
والله يديم علينا هالوطن بعز واستقرار وتطور

tweety يقول...

أهليييييييييييييييييييييين
قرة عينا
شفت الجو !؟
صراحة طافك البردي قبل يومين :p
الحمدالله على السلامة

wakee7 يقول...

الحمدلله على السلامة

الكويت تظل الكويت بغبارها برطوبتها بملاقة وفوضوية بعضنا
أأمن بلد وأحلى ديره

على فكره وين الصوقه ؟

sologa-bologa يقول...

تويتي
الله يسلمكم من كل شر
حسافة طافني البردي بس وين بروح من البردي يايني يايني
الصيف توا باوله:p
عاد هالايام موسم البرحي منصف ناطع

وكيح
الله يسلمك
صح لسانك الكويت تبقى دايما احلى ديرة
الصوغة قبل شوي موزعها عند باب جمعية بيان اليديدة :p

tweety يقول...

أفاااااااااااا
يبت الصوغة ووزعتها ولا يبت لي شي هذا واحنا ييرانكم بمشرف
:p

Kasik Ya Watan يقول...

عزيزي سلوقا

التفائل حلو ... وديرتنا واااااايد حلوة ... بس آنا دائماً أطمح إنها تكون وااااايد أحلى

مشكلتى الأزلية إن مقايسي غالباً ما تكون عالية وصعبة ... فأنا لا أقارن الكويت بالسعودية أو إيران وأقول الحمد لله ... بل أقارنها بالسويد والدنمارك وأوروبا الغربية جمعاء واليابان وووووو ... بعدين أقول إحنا وين وأهم وين

أحنا الله راحمنا إن عندنا كم برميل نفط الله وأعلم متى راح يخلصون ... وعقب ما يخلصون مادري شبنسوي

يمكن تشائمي جاي من خوفي على مستقبل بنتي وولدي ... بس أكيد إنه مو إنهزامية ... خوفي هذا راح يخليني أستذبح علشان أخلي عيالي يتفائلون بمستقبل عيالهم

وهم تشائمي هذا ياي من خوفي على حبي الثاني وقبل الأخير الكويت ... لأن الأول والأخير محجوز حق شريكة حياتي زوجتي الحبيبة الغالية لولو

والله يحفظ الكويت

وكاسك يا وطن ...

Kasik Ya Watan يقول...

ما أدري شلون موضوع الغبار والرطوبة وصلنا إلى مستقبل عيالي

Interesting isn't it

tweety يقول...

كاسك يا وطن
ياربي الله يحفظكم ويخلي لك شريكة حياتك وعيالك ويبعد عنكم كل شر ويديم عليكم هالمحبة

Kasik Ya Watan يقول...

tweety

مشكورة و آمين ...

زوجتي وعيالي أهما وطني إللي أحس فيه بالأمان والحب والطمأنينة والسعادة ووو

أهما وطني إللي أحس فيه إن كرامتي وإنسانيتي محفوظة

أهما وطني إلي أحس فيه إن عقلي يحترم

أهما وطني إلي ما أخاف فيه أعبر عن رأي

أهما وطني إلي أكون فيه بقمة اللانفاق

وأهما وأهما وأهما ...

sologa-bologa يقول...

كاسك يا وطن
عزيزي
اول شي الله يخليلك عيالك وامهم ويخليك لهم
ويكونون من المفكرين والداعين الى الحرية
ثانيا شي اكيد ان كل واحد فينا يطمح ان الكويت تصير مثل اوروبا واحسن
لكن الواقع شي والطموح نسعى فيه لكنه يبقى صعب على الاقل
في الفترة الحالية ويمكن فترة الجيل اللي بعدنا
ثالثا مستقبل الكويت انا معاك
عندنا كم برميل نفط ومحتمل يخلص باي وقت او ما يخلص على الاقل ينزل سعره
اذا الحين فوق 77 دولار باجر يمكن 10 دولار
لكن هذا ما يمنع من خلق بعض التفاؤل
انا ما اكذب عليك واقولك اني متفائل
لكن اقول اني متفائل جزئيا ومتشائم هم جزئيا يعني 50 - 50
وموضوع التفاؤل والتشاؤم طويل لانه مرتبط بامور كثيرة سياتي وقتها في مجالات اخرى


تويتي
عاد انا طرشت الصوغة حق بيت عمتي وبيوت خوالي في مشرف حتى واحد منهم مسكين توا راجع من لبنان

tweety يقول...

ما قلت لهم حق تويتي الحلوة اكيد
:p

9ahba'a يقول...

حمدالله على السلامة تو ما نورت المدونة

Hazolat يقول...

والله كلام يعور القلب
يا زين الكويت ويا حبي لها ولاهلها

بس هم ياحسافتها ما عادت كويت قبل
وهذا اللي يعور القلب

9ahba'a يقول...

yala am waiting for the next post

bo9ali7 يقول...

ننتظر الجديد